Antzuolako
Udalean, 1995eko maiatzean, jarri zen martxan AEBE -Administrazioan Euskara
Bultzatu
Erabiliz-
plana, udal langileek eta Udalbatzak oniritzia eman ondoren.
Euskararen
erabilera gehitzeko plan hau pilotoa da, eta Antzuolako Udalean ezezik
Bergarakoan ere
martxan dago.
Bestalde, aipatu beharra dago Eusko Jaurlaritzaren laguntza jaso duela.
Helburu nagusia
da administrazio honen barruko nahiz kanpoko harremanak euskalduntzea.
Gauzak horrela, geure alde dugu udalaren barruko lana euskalduntzeko jardunean
hasiberriak ez izatea; hain zuzen ere, azkenengo urte hauetan lan asko
egin delako Udalaren zerbitzuak euskaraz bideratzeko.
Hala ere,
oraindik badago non jarduna eta, plan honen bitartez, orain arte landu
gabeko alorretan
zulatzen
dihardugu -hizkuntz kalitatea, oinarrizko materiala euskaratzea, kontratuetan
hizkuntzaren
tratamendua kontuan hartzea...-. Hori dela eta, alor berrietan zulatzen
dihardugu, baina administrazioak berak bakarrik eragin
handirik ez du izango, herritarren bultzadarik ez badu.
Horregatik
herritarroi eskaera zehatzak egin zizkien Udalbatzak 1997ko abenduaren
2an:
- Udaletxera
edo beste norabait zuzentzean, kontsultak edo eskariak euskaraz egitea
edo bideratzea.
Euskaraz egiteko gaizki moldatuz gero, Udalaren Euskara zerbitzuaren laguntza
jasoko dute testu
motzak egiteko.
Testuak oso luzeak direnean ere, jo zerbitzu horrengana eta bertan esango
dizute zer egin daitekeen
kasu bakoitzean.
- Orain arte
gutxiago landu diren alorretan agiriak eta abar euskaraz edo gutxienez
ele bietan eskatzea,
hala nola, fakturak, aurrekontuak, proiektuak, etab.
| Copyright © 1998 Angelo Cacciola Donati | HOME PAGE |